Psa 141 | ZomZIV | STEP | David phuah phatna-la khat. TOPA aw, nang kong sam hi; kei kiangah hong pai meng in. Nang kong sap ciangin ka aw hong za in.

lPn 129:3

Psalms 141

David phuah phatna-la khat.

1 TOPA aw, nang kong sam hi; kei kiangah hong pai meng in. ^a
Nang kong sap ciangin ka aw hong za in. ^b
2 Na mai-ah ka thungetna gim namtui bangin hong kilui henla; ^c
ka laptoh khutte nitak biakpiakna bang hen. ^d
3 TOPA aw, ka kam a cing khat omsak inla; ^e
ka muk kongkhak cing in. ^f
4 Siatna hihte tawh gilo khawm dingin
siatna ah ka lungsim, kaisak zo kei inla; ^g
amaute limsakte kei hong nesak kei in. ^h
5 Thumaan mi ^{▼▼ 5 Ahikeh Thumaan Pa} in kei hong sat hen - tua in migitna ahi hi;
ama’n kei hong tai hen - tua in ka lutungah sathau ahi hi. ^j
Ka lutang in tua nial lo ding hi.
Tua hi napi, ka thungetna in siatna bawlte langpan gige hi;
6 a gam-ukte uh kenbang pan kisawnkhiasuk dinga,
tua ciangin migilote in ka thugente a hoih lam thei ding uh hi. ^k
7 Amaute in, “Mi khat in lo kho a, lei a kalhkhap bangin ^l
ka guhte uh hankhuk ^{▼▼ 7 Hebrew in Sheol} gongah a kithehthang hi,” ci ding uh hi. ⁿ
8 Ahi hangin Thuneipen TOPA aw, mit khah loin nang kong en a;
nang sungah kong bu hi - kei hong sisak kei in.
9 Amaute in kei hong siahna thangte pan le
siatna bawlte siah thangte panin kei hong kem in. ^o
10 Kei suakta a ka khen’ khit ciangin
amau lenthangte sung mah ah migilote puksak hi. ^p